Gaur egungo hiritarrak, Internet dela bide munduko hainbat komunitatetatik hurbilago izanik, bere ezagupenak sarearen bidez hedatzeko joera gero handiagoa erakusten du egunetik egunera, joan-etorrietan denbora erabili beharrik gabe.

Hezkuntza birtualaren eskaera zabalari erantzuteko asmoz eta euskal kultura hedatu eta sustatu nahirik,Eusko Ikaskuntzaren Asmoz Fundazioak Internet bidezko EUSKO IKASGAIAK: ZIENTZIA GIZATIARRAK, GIZATARTEKOAK ETA NATURALAK UNIBERTSITATEKO ESPEZIALISTA  9. urtez abiarazi du.

Euskal kulturaren zabalkundea eta alor horretan adituak prestatzea da ikastaroaren helburu nagusia.

13 jakintza-sailen bitartez, ikastaro honek euskal kultur errealitearen ikuskera emango du, hala egungoa nola historikoa. 13 jakintza-sailetako arduradunak hamar unibertsitatetik datozen irakasle titularrak, katedradunak eta nor bere espezialitatean doktoreak dira.